പയ്യാവൂർ
ഗ്രാമ പഞ്ചായത്ത്

അംബരചുംബികളായ കുടകുമലകളുടെ മടിത്തട്ടിൽ സ്ഥിതി ചെയ്യുന്ന മനോഹര ഗ്രാമമാണ് പയ്യാവൂർ. കിരാതവേഷത്തിലെത്തിയ പരമശിവനുമായി അർജ്ജുനൻ യുദ്ധം ചെയ്ത സ്ഥലമായി ഐതിഹ്യമുള്ള ഇവിടെ, പയ്യാവൂർ ശിവക്ഷേത്രം പരമേശ്വരനോട് പരാജയം ഏറ്റുവാങ്ങിയ അർജ്ജുനൻ ശിവലിംഗമുണ്ടാക്കി പ്രതിഷ്ഠിച്ചതാണ്. പ്രാചീന സംസ്കാരത്തിലെ ശേഷിപ്പുകളായ വീരക്കല്ല്, കുടക്കല്ല്, നന്നങ്ങാടികൾ എന്നിവയും ഇവിടെ കാണാം. വടക്കൻ പാട്ടിലെ ഒതേനന്‍റെ അർദ്ധസഹോദരൻ കണ്ടുച്ചേരി ചാപ്പൻ ഈ ഗ്രാമക്കാരൻ ആയിരുന്നുവെന്നും ഐതിഹ്യങ്ങൾ പറയുന്നു. കൂടാതെ കോട്ടയം രൂപതയുടെ നേതൃത്വത്തിൽ തിരുവിതാംകൂറിൽ നിന്നും കുടിയേറിയ ജനങ്ങളുടെ കാർഷിക ജീവിതവും ക്രൈസ്തവ ദേവാലയങ്ങളും ഇവിടെയുണ്ട്. കുന്നത്തൂർപാടി മുത്തപ്പൻ ദേവസ്ഥാനത്തിലെ ഉത്സവം, പയ്യാവൂർ ക്ഷേത്രത്തിലെ ഊട്ടു മഹോത്സവം, പള്ളി തിരുനാളുകൾ എന്നിവയാണ് പ്രധാന ആഘോഷങ്ങൾ. 1917-ൽ മലബാർ ഡിസ്ട്രിക്ട് ബോർഡിന്‍റെ കീഴിൽ ആരംഭിച്ച പയ്യാവൂർ ഗവ. യു.പി. സ്കൂൾ ആണ് ഈ...